Huset i bygda
Ein kulturarena der du bur.
Visste du at det finst rundt 5 500 organisasjonseigde kulturhus i Noreg? Hus som kvar einaste dag skaper aktivitet, fellesskap og kultur og der meir enn 10 millionar menneske kvart år deltek på arrangement, aktivitetar og møte.
Bak desse husa står tusenvis av frivillige. Kvart år legg dei ned rundt 650–700 millionar kroner i dugnadsinnsats, og ein gjennomsnittleg frivillig bruker nær 400 timar i året på å drive, vedlikehalde og utvikle huset sitt.
Huset i Bygda (HiB) arbeider for å løfte fram og synleggjere alle former for organisasjonseigde kulturbygg som viktige kulturarenaer, og utvikle møtestader og verktøy som kan gjere dei lokale laga til meir kompetente huseigarar. På den måten vil vi skal skape synlegare og sterkare organisasjonseigde kulturbygg i Noreg.
Populære ressursar
- Bunad og handverk
- Folkedans
- Levande kulturarv
- Teater
- Ungdomshus
- Kvart år 30. november
Økonomi
Frifond
Har lokallaget fem eller fleire medlemmar under 26 år, og eit aktivitetstilbod til desse? Då kan de søke Frifond!
Økonomi
Momskompensasjon
Har laget driftskostnadar? Alle lokal- og fylkeslag i Noregs Ungdomslag kan sende søknad om momskompensasjon. Dette er støtte til frivillige organisasjonar som har hatt meirverdiavgift ved kjøp av varer og tenester.
Husdrift
Verktøykasse for huseigarar
I verktøykassa for huseigarar finn du døme og maler på mellom anna planlegging, økonomi, samarbeid, vedlikehald og kommunikasjon.
Aktuelt
Sjå alle
Regjeringa kuttar nær éin million til Noregs Ungdomslag
Regjeringa har foreslått å redusere løyvinga til Noregs Ungdomslag med 905 000 kroner. Kuttet vil direkte påverke arbeidet med rådgjeving og kompetanseheving for tusenvis av frivillige som eig og driftar lokale kulturbygg over heile landet.
7. oktober 2026
Kulturbyggstøtte gir firedobbel effekt
Sidan 2016 har Sparebankstiftinga Sogn og Fjordane og Huset i Bygda delt ut 15,3 millionar kroner til ungdomshus, grendahus og samfunnshus i fylket. Ein ny rapport viser at kvar krone har utløyst nesten fire kroner i lokal investering.
29. september 2026
Pressemelding: Levande møteplassar over heile landet
Arena for nabolagshus styrker samarbeidet mellom aktørane som arbeider for gode lokale møteplassar over heile landet. Noregs Ungdomslag og SoCentral får saman ansvar for den daglege drifta ut prosjektperioden, og det vil bli prøvd ut ein meir formalisert struktur for styringsgruppa. Arbeidet er gjort mogleg av ei ny tildeling på 4 millionar kroner frå Sparebankstiftelsen DNB, som skal nyttast til å vidareutvikle arenaen og mobilisere fleire samarbeidspartnarar og rammevilkårsetjarar. 22. september inviterer arenaen til sparringsverkstad under Kulturarenakonferansen i Oslo.
17. september 2026
Frivilligdrivne kulturbygg samla organisasjonar til fagsamling
På Nynorskens hus i Oslo samla 22 deltakarar frå ulike organisasjonar seg måndag 2. juni til fagsamling om frivilligdrivne kulturbygg. Samlinga løfta fram kor viktige desse husa er som møteplassar for kultur, fellesskap og frivilligheit, og hadde som mål å dele røynsler, løfte felles utfordringar og drøfte korleis organisasjonane saman kan påverke det vidare arbeidet med rammevilkår.
2. juni 2026
Fleirtal for momskompensasjon for organisasjonseigde kulturbygg
Det er no fleirtal på Stortinget for å innføre momskompensasjon til organisasjonseigde kulturbygg. Etter mange år med politisk arbeid ligg det no an til eit historisk gjennombrot for frivillig eigde kulturarenaer over heile landet.
26. mars 2026
Tilskotsordningar for dykk som driver husdrift
Utforsk tilskotsordningar som vil hjelpe dykk med å samle inn pengar til huset dykkar.